Beint á efnisyfirlit síðunnar

Á döfinni

28

Fararstjórafundur Tbilisi

28.04.2015

Ólympíuhátíð Evrópuæskunnar fer fram í Tbilisi í Georgíu 26. júlí - 1. ágúst. n.k. Nýverið var haldin kynning fyrir þátttökuþjóðum á aðstæðum og skipulagi mótsins. Á fundinum var farið yfir ýmis atriði er snúa að þátttöku í leikunum, jafnframt voru mannvirki sem nýtt verða á leikunum skoðuð. Ljóst er að Georgíumenn leggja mikinn metnað í framkvæmdina og standa í viðamikilli uppbyggingu á mannvirkjum sem notuð verða á leikunum. Alls verður keppt í níu íþróttum á leikunum, þar af verða íslenskir þátttakendur í fjórum greinum; fimleikum, frjálsíþróttum, tennis og sundi. Fundinn sóttu fyrir Íslands hönd Guðmundur Ágúst Ingvarsson úr framkvæmdastjórn ÍSÍ sem verður aðalfararstjóri á leikunum og Örvar Ólafsson starfsmaður afreks- og ólympíusviðs.