Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.02.2018 - 10.02.2018

Ársþing KSÍ

Ársþing Knattspyrnusambands Íslands verður...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
15

Íþróttaþing ÍSÍ

Í 11. grein í lögum ÍSÍ er fjallað um Íþróttaþing ÍSÍ. Þar segir:

Íþróttaþing er æðsta vald um málefni ÍSÍ

Íþróttaþing skal haldið annað hvert ár, á tímabilinu 1. mars til 1. júní. Skal það auglýst með þriggja mánaða fyrirvara og ítrekað síðar. Framkvæmdastjórn ákveður fundarstað. Kjör eða tilnefning fulltrúa til setu á íþróttaþingi fer sérstaklega fram fyrir hvert þing.

Eigi síðar en 2 vikum fyrir íþróttaþing skal senda aðilum dagskrá þingsins, reikninga, fjárhagsáætlun, tillögur sem borist hafa ásamt þeim tillögum sem framkvæmdastjórn hyggst leggja fyrir þingið.

Framlagning gagna fyrir og á Íþróttaþingi má vera á rafrænu formi, verði því við komið.

Tillögur sem óskast teknar fyrir á íþróttaþingi, skulu hafa borist framkvæmdastjórn 4 vikum fyrir þingsetningu.

Á íþróttaþingi skal kjósa 5 manna kjörnefnd og tvo til vara, sem starfar til loka næsta þings. Tilkynningar um framboð skulu berast kjörnefnd eigi síðar en 3 vikum fyrir íþróttaþing. Hafi ekki nægilegur fjöldi gefið kost á sér á þeim tíma, er kjörnefnd heimilt að framlengja framboðsfrestinn enda sé það tryggilega tilkynnt sambandsaðilum. Hafi, þrátt fyrir það, eigi borist næg framboð skal kjörnefnd hlutast til um að afla nauðsynlegs fjölda framboða.

Til að tilkynning um að framboð teljist löglegt skal eitt ólympískt sérsamband og eitt héraðssamband eða íþróttabandalag hafa lýst yfir stuðningi við það.

Kjörnefnd er eftirlitsaðili með kosningum.