2019 Svartfjallaland
Smáþjóðaleikar fóru fram í Svartfjallalandi 27. maí-1. júní 2019. Keppnisgreinar voru frjálsíþróttir, sund, júdó, skotíþróttir, tennis, borðtennis, karfa, blak, strandblak og boules.
Keppni lokið hjá borðtennisfólki
Nú er keppni lokið hjá borðtennisliði Íslands á Smáþjóðaleikunum. Í dag fór fram einliðaleikur og spiluðu Magnús Gauti Úlfarsson og Ingi Darvis Rodriguez karlamegin og Aldís Rún Lárusdóttir og Agnes Brynjarsdóttir kvennamegin. Magnús Gauti var næst því að komast upp úr riðli en hann fór inn í lokaleikinn sinn í dag með einn sigur og eitt tap. Að lokum fór það svo að allir keppendur duttu úr leik og hafa því lokið keppni.
Svekkjandi tap gegn Mónakó
Karlalandsliðið í blaki mætti Mónakó í dag á Smáþjóðaleikunum í Svartfjallalandi. Hvorugt liðanna hafði unnið leik á mótinu til þessa.
Íslenskir dómarar að störfum
Sjö íslenskir dómarar eru á Smáþjóðaleikunum. Þeir eru Jón Ólafur Valdimarsson og Sævar Már Guðmundsson í blaki, Davíð Tómas Tómasson og Jóhannes Páll Friðriksson í körfuknattleik, Haraldur Hreggviðsson, Sarah Buckley og Sigurþór Sævarsson í sundi. Körfuknattleiksdómararnir dvelja í bænum Bar þar sem körfuknattleikskeppni leikanna fer fram. Aðrir dómarar gista í leikaþorpinu þar sem þátttakendur dvelja.
Þriðji sigur í höfn hjá blakstelpunum
Íslenska kvennalandsliðið í blaki mætti Liechtenstein á Smáþjóðaleikunum í Svartfjallalandi í morgun. Fyrir leikinn hafði íslenska liðið unnið tvo leiki af þremur en Liechtenstein tapað öllum sínum leikjum.
Dagskrá 4. keppnisdags á Smáþjóðaleikunum
Á morgun, föstudaginn 31. maí, heldur keppni áfram hér í Budva og spennandi viðburðir í boði:
Í borðtennis verður keppt í einliðaleik frá kl. 10 - 17:15 að staðartíma.Þriðji keppnisdagur á Smáþjóðaleikunum - Samantekt
.JPG?proc=150x150){kind=logo}
Sólin lét loksins sjá sig, á þriðja keppnisdegi Smáþjóðaleikanna. Tenniskeppnin gat hafið göngu sína því allir vellir voru þurrir og veðrið gott. Birkir Gunnarsson keppti við Omar Sudzuka frá Möltu í morgun í 16. liða úrslitum í tenniskeppni Smáþjóðaleikanna. Leikurinn var æsispennandi. Birkir tapaði fyrstu lotu 3:6, en vann síðan næstu tvær 6:2 og 6:4. Birkir keppti síðan aftur einliðaleik í dag, í átta liða úrslitum, og tapaði þá fyrir Lucas Catarina 2:0. Hera Björk Brynjarsdóttir tapaði 2:0 fyrir keppanda frá Lúxemborg, Marie Anne Weckerle. Anna Soffía Grönholm keppti við Danae Petroula frá Mónakó í gær þar sem hún tapaði fyrstu lotu. Hún var yfir í annarri lotu þegar að stoppa þurfti leikinn vegna rigningar. Leikurinn fór 2:0 fyrir Petroula (6:1, 7:6).
Naumt tap gegn Svartfellingum í körfu karla
Íslenska landsliðið í körfuknattleik spilaði hörkuleik við Svartfjallaland í dag, en leikurinn endaði á sigri Svartfellinga 86-92. Strákarnir hvíla á morgun, en spila síðan við Kýpur á föstudag.
Frábær lokadagur í sundkeppni Smáþjóðaleikanna
Síðasta keppnisdeginum af þremur er nú lokið í sundkeppni Smáþjóðaleikanna. Í dag bættust við fimm gullverðlaun, ein silfurverðlaun, sjö bronsverðlaun, Íslandsmet og Landsmet og svo átta bætingar einstaklinga í sínum sundum.
Ráðherrafundur í Svartfjallalandi
Í tengslum við Smáþjóðaleikana í Svartfjallalandi var haldinn fundur ráðherra íþróttamála allra þátttökuþjóðanna á leikunum, líkt og tíðkast hefur á fyrri leikum. Lilja Alfreðsdóttir, mennta- og menningarmálaráðherra, komst ekki á leikana að þessu sinni en Óskar Þór Ármannsson sérfræðingur úr ráðuneytinu sótti leikana og ráðherrafundinn fyrir hennar hönd.Fimm íslensk gullverðlaun á keppnisdegi tvö
Frábærum keppnisdegi er lokið í frjálsíþróttum á Smáþjóðaleikunum í Svartfjallalandi þar sem Íslendingar unnu fimm gullverðlaun og eitt silfur. Eftir daginn er Ísland komið á toppinn með sex gullverðlaun, fimm silfur og tvö brons. Í öðru sæti er Lúxemborg með fimm gull, fimm silfur og þrjú brons.
Borðtenniskeppni í tvíliðaleik lokið
.jpg?proc=150x150)
Í dag fór fram tvíliðaleikur í borðtennis á Smáþjóðaleikunum. Stella Karen Kristjánsdóttir og Agnes Brynjarsdóttir spiluðu kvennamegin og Magnús Gauti Úlfarsson og Magnús Jóhann Hjartarsson spiluðu karlamegin. Bæði pörin duttu úr keppni í riðlunum.
Góð stemmning í kvennalandsliðinu í körfu
.jpg?proc=150x150)
Starfsmaður ÍSÍ hitti Helenu Sverrisdóttur og Sigrúnu Björgu Ólafsdóttur leikmenn kvennalandsliðsins í körfuknattleik eftir leik liðsins á móti Lúxemborg í dag þar sem Ísland vann góðan sigur með 76 stigum gegn 48.